الاثنين، يناير 18

الصحه والمرض

كنت اتمني ان اكتب مع بدايه العام الجديد ولكن لم تتوافر الظروف النفسيه لذلك
ولكني اليوم ونظرا لظروف المرض ونظرا لشدته وقسوته هذه المره رايت انه من الواجب
ان ادون او اسجل حالتي وانا بين الصحه والمرض
لو جاؤا باعلم علماء اللغه العربيه ليوصف مدي قسوه المرض
فلن اقتنع ابدا بوصفه وسامصص بشفتي واقول الراجل ده مزودها حبتين
كل الناس بتمرض وربنا بيشفي وبيخفف والدنيا مش بتقف
ومن يطالع هذا الكلام سيعتقد انني لم امرض من قبل او انني قليلا ما امرض
وهذا غير صحيح فانا من مرضي حساسيه الصدر المزمنه ونوبات الانفلونزا العاديه
تتحول دائما لالتهاب شعبي حاد وربنا يعافيكم من هذا الشعبي الحاد
عمري ما كان يخطر علي بالي اني اتكلم عن شان خاص في تلك المدونه
لكن النسيان نعمه كبيره اوي اوي فانا اخر مره كنت مريض كانت بشهر
اكتوبر واتعجب كيف انني نسيت تماما حاله المرض
وخلاصه القول ان
الصحه ليست تاجا انما الصحه هي الحياه
فانت في المرض في حاله بين الموت والحياه فلا انت حي ولا انت ميت
من يعتقد للحظه انه قوي بماله او ببدنه او بنفوذه او بذريته فهو في
ضلال ووهم كبير
الانسان اضعف مخلوق بوجه الارض وبالرغم من ذلك فهو اكثر المخلوقات غرورا
الحمد لله هذه الكلمه لابد الا تفارق السنتنا وقلوبنا في الصحه قبل المرض
وفي اليسر قبل العسر
اللهم اشفي مرضي المسلمين جميعا وخفف عنهم واشفنا وعافنا جميعا من كل مرض


هناك 12 تعليقًا:

  1. السلام عليكم
    جزاكم الله خيرا
    اللهم اشفي مرضي المسلمين جميعا وخفف عنهم واشفنا وعافنا جميعا من كل مرض

    ردحذف
  2. ربنا يشفيك شفاءا لا يغادر سقما
    شفاك الله وجميع المرضى يارب
    فعلا
    ميحسش بالشيء غير اللي حاسه
    اخر مرض لي كان في اكتوبر برضه
    حسيت اني اضعف من ريشة طايرة في الهواء
    وفعلا فعلا ربنا يحفظ لنا صحتنا وقوتنا وعافيتنا لأخر يوم في الحياة
    شكرا على التذكرة
    الحمد لله حمدا كثيرا طيبا مباركا فيه

    ردحذف
  3. ادعو الله ان يمن عليك بالشفاء العاجل ..... وحقا ان الصحة هي اكسير لحياة

    تحياتي

    ردحذف
  4. أسألك الله أن يشفيك ويعافيك
    شفاء لا يغادر سقما

    ويشفى مرضانا ومرضى المسلمين

    ولا أري شئ في أن تتحدث في مدونتك عن أمري شخصي
    فمدونتك واحتك

    شفاك الله وعافاك

    ردحذف
  5. ابن رشد
    شفاك الله وعافاك ومنحك الصحة الدائمة
    ومعك كل الحق فالصحة هى الحياة...
    بدونهايعانى الانسان معاناة جنبها الله لعباده
    ولكنه ابتلاء من الله لابد ان نتقبله راضيين
    وله فى ذلك حكمة
    كل سنة وانت بالف صحة وسعادة انت واسرتك الجميلة

    ردحذف
  6. السلام عليكم ورحمة الله وبركاته

    الف الف سلامة عليك

    ان شاء الله تكون احسن دلوقتى
    انا بعتذر لانى مش شفت البوست خالص الا النهاردة مش ظهر عندى في الريدر مش عارفه ازاى

    ويارب تكون بكل صحة وعافية دلوقتى

    ربنا يبعد عنك المرض ويديك الصحة دايما يارب

    وصدقت لما قلت ان الصحة هى الحياة ربنا مش يحرم حد من الصحة يارب

    ردحذف
  7. ربنا يشفي كل مريض
    ويرف البلاء عن كل مبتلى


    على فكرة البوست اتصلح
    حضرتك تقدر تقرأه دلوقت

    الفكرة مش إني غايب عن المدونة
    الفكرة إني مش لاقي لا وقت ولا دماغ أقرأ ولا أكتب

    ردحذف
  8. شفاك الله وعافاك وجعل الجنة مثواك :)
    شفاك الله شفاءً لا يغادر سقماً

    بما إني دكتور سابق لازم اكتبلك روشته
    تجيب كوب ماء صافي بارد وتدوب فيه ملعقة عسل كبيرة وتعصر عليهم نص ليمونة وتقرأ الفاتحة عليهم وتمسح على صدرك بالفاتحة برضه وتشربها :)
    وبعدين تقوم لانك خلاص بقيت بقوة 70 حصان :)

    ردحذف
  9. حضرتك فين من فترة

    طيب ممكن بس تطمنا عليك

    وبعدين انا عاوزه اسألك عن حاجة

    حضرتك جيت يوم لقاء نادى الزراعيين ؟

    لو كنت جيت ومش شفتك هازعل جدا من نفسى

    ردحذف
  10. اسال الله العظيم رب العرش العظيم ان يشفيكى ويعافيكى اللهم امين
    على فكرة فيه علاج بالامصال وناس كتير جربته والحمدلله تعافوا من حساسيه الصدر
    او قلت حدتها معهم اصبحت اخف كتير
    ومن نعمه المرض انه يعرفنى نعمه الصحه ويعلمنا التواضع والرحمه

    ردحذف
  11. ياه

    البوست مكتوب من يناير

    أتمنى ان تكون بخير حال وكل اسرتك

    ردحذف
  12. أرجو ان تكون بخير حال

    الظريف بقى

    انى فتحت مدونتك فلقيت نفس البوست اللي قريته آخر مرة

    بعدين شوفت التاريخ لقيت 2010
    قلت الله

    ازاي يبقى 2010 دانا قريته من زمان

    بعدين اكتشفت اننا في 2011

    :))

    ردحذف