اكيد انا اخر انسان ممكن اتكلم عن الاسلام لسبب بسيط جدا هو انني لست ممن يتعمقون في قراءه كتب الفقه او السيره
ومتاكد انني لا اعلم عن عظمه الاسلام الا القليلل
ولكن هذا القليل اوجد في نفسي اعتقادا لن يزول بان الاسلام فعلا مظلوم
بمن ينتمون اليه
انا اتمني ان اختصر وساحاول
الاسلام حسب معلوماتي القليله دين معاملات وعبادات ولا يمكن ان ناخذ بشق ونهمل الاخر
الذي يؤرقني ان ياتي الرجل منا بالعبادات وينسي ويهمل تماما المعاملات ويقول بمنتهي الوقاحه
ان شاء الله ربنا يسامحني دي كدبه صغيره او يكون واخد حاجه مش حقه وتجده بالتعاون مع شيطانه
قد حللها لنفسه واستمتع بذلك
اكتر حاجه منتشره هي ان يكسب الرجل ماله من حرام ثم تجده وبكل وقاحه يتصدق بجزء منها
طب ازاي؟؟ انا لو اعرف والله كنت قولت
ناتي للرشوه والفساد
عندما تدخل اي مصلحه حكوميه وقت الظهر تجد معظم الموظفين بصلاه الظهر
معقوله حتي منشار افندي كمان بيصلي
ده لسه خابط مني مبلغ وقدره علشان يخلصلي شغلي
بلاش الرشوه وبلاش الفساد لو عندك اي مصلحه مهمه عاوز تخلصها في اي جهه حكوميه
ومتعرفش حد فيها ابقي قابلني لو خلصت
في حين لو بس ليك معرفه حتي بالساعي مجرد بس تشرب الشاي تلاقي كل حاجه تمام ومن غير رشوه
شيء بجد عجيب طيب احنا بس هانخسر ايه لو اتعاملنا مع الناس كلهم علي انهم اخواتنا وقرايبنا وجيراننا
ابوس ايديكم كل واحد بس وهو بيتعامل مع اخوه الانسان يحاول بس يحط نفسه مكان اللي بيعامله
كفايه كده
ربنا يهدينا جميعا ويقينا شرور انفسنا
دى صور الشيزوفرينيا المنتشرة بين أفراد الشعب المصرى
ردحذفبيتعاملوا مع دين بقاعدة صينية البسبوسة
شوية بياخدوا الحتى المقرمشة أوى فى الطريف
وشوية تانى بيحبو ياخدوا الحتة اللى جنبها علشان مبتبقاش ناشفة أوى ولا طريقة أوى
وشوية بيحبوا نصف الصينية علشان بتبقى طرية
ربنا يقينا شر أنفسنا
اللهم إنك عفو حليم كريم تحب العفو فأعفو عنا
ردحذفنقلت صورة حية جدا ياابن رشد
الاسلام تحول لدين عبادات مش معاملات للاسف
حتى فى شغلى تلاقى الناس ناسية ان ربنا متطلع وشايف وبيقولو انى مزوداها شوية لما بقول عيب او حرام او ربنا ياجماعه متطلع
هنقول ايه بس
البركة فى الدش بكسر الداااال
ولان الدال على الخير كفاعله
يارب يكون التوبيك بتاعك ده سبب فى صحيان ضمير ولو انسان واحد ويجازيك خير عن محاولة الصحوة دى
اللهم أمين
ردحذفأكيد إحنا محتاجين الإتنين المعبادات والمعاملات
ربنا يهدينا
فعلا آخحر سطرين قلت فيهم كل شئ
ردحذفعاملوا الناس بما تحبوا أن يعاملوكم به
ابن رشد
ردحذفكلامك افكر فيه مرات عديدة يوميا والله
انا مؤمنة تماما ان الدين معاملة اولا
وللاسف كلنا شايفين المعاملات اليومية شكلها ايه
ابعد ما يكون عن تعاليم الدين
خلاص الياس تملكنى جدا من ان اجد مسلمين مؤمنين بحق وحقيق
تحياتى
د ياسر
ردحذفايه حكايه البسبوسه دي معلم
اول مره في حياتي اسمع تشبيه زي ده
ولعلمك انا شخصيا بحب المقرمشه مش بحب الطريه
بس بشرط متكونش محروقه
اما عن الشيزوفرينيا فهي من المفترض انها مرض
ولكن في حالتنا هذه فهي من الصفات المكتسبه
ومنتحرمش ابدا يا باشا من طلتك علينا
ملكه بحجابك
ردحذفاولا حضرتك نورتيني وبس عايز اؤكد لكي انك ما شاء الله
عندك موهبه فطريه بالكتابه وبوستك الاخير ممتاز
مش عارف ليه انا مش مؤيد ان الدش السبب
او الحكومه السبب
لان كلنا نمتلك جهاز استقبال منحه لنا خالقنا سبحانه
وهذ الجهاز قادر علي التفريق بين الخير والشر في كل ما يتلقاه
فتجدي صاحب النفس الطيبه يستمتع ويانس بكل ما هو خير
والعكس بالعكس
بجد شرفت جدا بمرورك
محمد غاليه
ردحذفطبعا يا محمد احنا محتاجين الاتنين مع بعض
لان فعلا ما ينفعش ناتي بشق علي حساب الاخر
شرفتني بمرورك
بارك الله فيك ورزقك متعه العباده
سلوي
ردحذفمعاكي حق فعلا
لو كل واحد فينا بس وهو بيتعامل مع الاخر
يعمل تبادل للادوار في خياله ولو للحظه
لانقلبنا في وقت قياسي جدا الي اكثر الشعوب تحضرا في العالم
دومتي بكل الخير
اختي ستيته
ردحذفانا والله لو اعرف ان كلامي ده هيفكرك بالحثاله ده
مكنتش كتبته
وطبعا معاكي حق ان الفساد في التعليم اخطر من الفساد
في الحكومه لاني الاخير اصبح من المستحيل اصلاحه
اما البراعم التي لم يعد لنا اي امل في بكره بدونهم
فافسادهم فيه نهايه كل شيء
بس انا مش متخيل ان الراجل ده ممكن يعدي من تحت ايد ستيته بعملته السوده دي
بالمناسبه انا شبه حولت البيت لمدرسه خاصه
وموضوع درجات الولاد في الامتحانات بجد مش بهتم بيه خالص
انا بركز اكتر علي قياس مستواهم من خلال مناقشاتي معاهم في المواد اللي بيدرسوها وكمان انا علي قدر المستطاع منقي ليهم مدرسين محترمين جدا جدا
دايما منوراني متعك الله بالصحه والعافيه والصبر
علي ما وصلنا له
اختي الفاضله
ردحذفالقدر وانا
انا مش معاكي خالص في حكايه الياس دي
لاني بجد بقابل ناس كتير اوي ماشاء الله
عليهم فعلا مسلمين ومؤمنين بمعني الكلمه
همه صحيح مش كتير لكن مازالو موجودين
ولن ينقرضوا ابدا
بلاش كلمه ياس احسن احنا مش اد ستيته
دمتي بكل الخير والرضا
انت فعلا وصفت مشكلة كلنا بنعانى منها باسلوب سلس جدا
ردحذفبجد انفصال العبادات عن التعاملات خلتنا شعب عجيب جدا
انت عارف انا لما سافرت برة انا كنت حاسة انهم مسلمين اكتر مننا من تبسمهم فى وجه اخيهم
وقضائهم لمصالح الناس
وكونهم فى عون العبد
وتفانيهم واخلاصهم فى شغلهم
وتحرى الامانة فى كل تصرف بيعملوه
ياريتنا بجد نرجع لاخلاق الاسلام عشان بجد احنا بئينا حاجة تكسف
شوف يا أستاذ ابن رشد ,
ردحذفمن وجهة نظر جنابي المتواضعة :) إن مافيش أي تعارض بين الاتنين ,
لأن العبادات و تحسين العلاقة بين العبد و بين الله تنعكس على العلاقة بين العبد و بين الناس ,
زي ما هرقل لما كان بيسأل أبو سفيان عن الرسول , فقال له إنه لم يُعرف عنه الكذب ,
فهرقل قال : إن كان لا يكذب على البشر , أفيكذب على الله ؟؟
يعني لما الواحد بيعامل ربنا كويس , بيلاقي معاملته مع الناس بتبقى حلوة برضه ,
أما بالنسبة لمنشار أفندي و من على شاكلته ,
فأظن - و الله أعلم - أن أغلب عبادات هؤلاء ليست عبادات , و لكنها عادات , علشان كده ما بتأثرش ي نفوسهم ,
ربنا يهدينا و يجعلنا كما يحب و يرضى ,
حقا لا أدري
ردحذفلكن لا أتعجب من حالة انفصام الشخصية اللتي آلت أليه مجتماعتنا...شيزوفرينيا المجتمع تلك لم تأتي من فراغ ولكن ضغظ وقهر وكبت وعنق زجاجة..كلها عوامل كفيلة أن تخلق ذاك المرض العضال
اصبح الدين عادة وليس هو من يملأ الفراغ الروحي
الحارة سد
اخى ابن رشد
ردحذفالدين عبادة فى التعاملات وتعاملات فى العباده
هتقولى ازاى..الست بتخرف
لاء
وانت بتتعامل مع الناس اعبد ربك فيهم
وكل معامله تتوجه بالنيه لله تكون خالصه اصبحت عباده
والله دينا دين أخلاق
بس المشكله
ان فى بعض الناس بتفصل الصلاة والصوم والزكاة...عن معاملة البشر
بس اللى يصح صلات وصومه وزكاته
هيصح تعاملاته مع الناس
ربنا يرزقنا الفهم عليه ويرحمنا من المرائين المنافقين
اشكرك على هذا الموضوع الجميل
ردحذفاسال الله ان صلح احوالنا جميعا
فعلا الدين بتاعنا
ردحذفمش مجرد شوية حركات تؤدى فى الصلاة
اة مال ينفق كزكاة
الدين بتاعنا منهج حياة
واكتر شىء يخنقنى
ان الواحد يعمل الغلط ويقول مهو انا بصلى اهو
وبعدين تكلمه على الغلط ده
يقول ما كل الناس بتعمل كده
ربنا يهدينا ويهديهم
وفقنا الله لما يحبه ويرضاه
والله يااستاذ ابن رشد انا مستعده ابوست الشوز بتاعهم ويعاملوا ربنا
ردحذفبس ياريتها باستجداء العاطفه هما لو كان عندهم دم كانوا قدروا يشوفوا الست الغلبانه جايه تصرف دوا ولا تاخد معاش التامينات كانوا عملوا كد
بس انا حاس بجد الجاى احسن بوجود ناس زي حضرتك دى بجد حقيقه
يارب اكتب لبلادنا الخيريارب
بدخل بيتك الصغنتت ده كتير جدا وبقالك كتير ماكتبتش جديد
ردحذفياترى ليه ؟؟
بجد ياريت تستدعى محبرتك وقلمك ويالله مستنياك
وحشتنى الكلمات الواعية جدا
تقبل مرورى
ملكة بحجابى
منظومة الفساد المستشري طالت الجميع حتى من يظهرون التدين فعادي جداً تلاقي شخص بزبية صلاه ومربي دقنه ومرتشي في ذات الوقت ... مفيش انفصال في الاسلام بين العبادات والمعاملات فالعبادة معاملة مع الله والمعاملات عبادة بالأفعال بتطبيق هدي الرسول وأحكام شريعة الله عملياً .... للأسف احنا اللي بعدنا جداً
ردحذفتحياتي
انا طبعا اسف جدا لتاخري بالرد ولا اعلم سبب تاخري مع الاسف
ردحذفواسمحوا لي ان اشكركم جميعا علي الزياره والتعليق
وللمره الثانيه ارجو ان تتقبلوا اعتذاري
جزاكم الله كل الخير
فعلا عنك حق ربنا يستر على الى جاى
ردحذف