انا الانسان امري عجيب
هل انا عبيط ام ادعي العبط وقله العقل وادعي ايضا انني من الجاهلين
ولكني متيقن انني لست جاهل ولا عبيط ومتيقن انني امرض احيانا
ومجرد نزله برد بسيطه تجعلني اعرف انني ضعيف جدا ووقتها لا ينفعني
مالي ولا جاهي ولا سلطاني
وفي ذروه الحمي والمرض اجدني اجزع اليه راجيا ان يشفيني ويعافيني
واعاهده انني لن اغفل ابدا عن ذكره وشكره دوما علي نعمه الصحه
ولكن بمجرد ان اشعر ببعض من العافيه اجدني مره اخري
ادعيت الجهل والعبط والقيت بعقلي وعلمي في مستنقع الحياه الذي
لا بعطينا الفرصه للحظه ان نتذكر
بل يعطينا الحجه ان نظل جاهلين غافلين بارادتنا ونتمتم قائلين
هي دي الحياه لازم نتعب ونكافح علشان الاجيال اللي جايه
الو ايوه مين
البقيه في حياتك مين يا راجل مش ممكن
دا كان سهران معانا امبارح وكان مزاجه عنب
بلاش هزار يا عم ده عمره ما تعب ولا راح لدكتور
كمان يعني الحكايه كلها ممكن تخلص كده في ثانيه وبدون اي مقدمات
طيب وبعدين
يعني الشقه الكبيره اللي بالشيء الفلاني دي ملهاش لازمه ودي مجرد استراحه قصيره بين
الشوطين يا حلاوه
طيب نشوف فين بقي المستقر الاخير ونروح نهيئه بس ده مش بيتفرش
طيب والعربيه اللي عمال اتفشخر بيها دي كمان ملهاش لازمه
طيب يعني انا عبيط بجد ومش بيتهيالي
ايوه طبعا عبيط لما كنت بازعل واحرق في دمي علشان الفلوس
لما اتهبلت واتخانقت مع اخواتي علشان الميراث
متهيالي كده انا اتاكدت اني عبيط
الاحداث والمواقف كلها اللي مرت في حياتي تؤكد ذلك
لما سمحت لنفسي انافق واداهن علشان المصلحه تمشي كنت عبيط
لما ضغط علي نفسي وقلت علشان ما نعلا ونعلا ونعلا
لازم نطاطي نطاطي
طيب تفتكر انك هاتبطل العبط ده ولا خلاص انت ادمنت العبط والاستهبال؟؟
بصراحه مش عارف
بس انا متاكد برضه اني بكون سعيد ومبسوط اوي وانا مش عبيط
لاني وقتها بكون بشكره كتير واذكره كتير واعرف قدري ومقامي و
مدي ضعفي وقله حيلتي وحاجتي الدائمه لفضله وهداه واعانته لي علي حسن
عبادته وطاعته
اللهم اختم بالباقيات الصالحات اعمالنا وتوفنا مؤمنين موحدين
اللهم اختم بالباقيات الصالحات اعمالنا وتوفنا مؤمنين موحدين
ردحذفاللهم آمين آمين آمين
عارف أمتى بشوف الهب والعبط في ولاد آدم بجد
لما ألاقي راجل بيقسم ميراثه على حياة عينه
يعطي هذا ويمنع هذا
يفرق بين أبناءه في الأموال وهو لا يدري انه فرق قلوب اغلى وأثمن من الأموال
يمنع اخوته الذكور من الميراث لأنه انجب فقط اناث ولا يعلم ان العم كان ها يشيل الهم ويراعي مصالح الضعيفات بجوار مصالحة التي لن تتعدى الثلث بعد ميراث البنات وامهم
ساعتها فقط اتعجب من هبل وعبط ابن آدم - اعاذنا الله واياك من المعاصي- يعني اروح النار وافرق بين الأخوات واحرم وارث وفي الآخر انا ماشي بكفن ابيض مفيهوش جيوب ولا ابن ولا اخ ولا زوجة ها ينفعوني عند الموقف العظيم
طيب ببيع ايه بإيه؟
طيب باشتري ايه؟
تزيين الشيطان للأمور يخليك تفتكر انك مخلد
وان العيال والاهل ليهم لزمة
بوست رااااااائع والله تسلم ايدك وشفى الله كل مريض وختم بالصالحات اعمالنا
تحياتي
اللهم آمين
ردحذفالموضوع مش عبط على قدر ما يمكن ان نصفه بلحظات او فترات ضعف وإستسلام وعدم توكل على الله,
ومن اجمل الدعاء في هذه المواقف دعاء سيد الخلق
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك
تحياتي ....
ابن رشد
ردحذفتسلم ايديك
كلنا هذا العبيط فى لحظات
اللهم ابعد عنا غضبك ومعصيتك
اللهم الهمنا النور والتقوى
بارك الله فيك ودامت كلماتك لنا
اختي الفاضله ستيته
ردحذفدايما بتحطي ايدك علي سلوكيات مجتمعيه يحسبها الجاهلون
من فرط جهلهم انها سلوكيات طبيعيه
والسبب في ذلك تواتر العرف بين الناس علي ذلك
وموضوع الميراث ده اعتقد محتاج بوست كامل
ولا نملك الا ان ندعو الله وما ان يقينا شح انفسنا
دمتي بكل الحكمه والعقل
اخويا الواعي اللي متنكر في اسم ضايع
ردحذفطبعا فترات الضعف دي هي اخطر لحظات تمر بالانسان
وانت تعرف ان وجداننا دائم التقلب
لذلك لا اجد اي وقايه من هذا التقلب الا الدعاء
لذلك اشكرك كثيرا علي الدعاء الجميل
وازيد عليه ان يجعلنا الله ممن يستجيب لهم الدعاء
بارك الله فيك
القدر وانا
ردحذفاولا حضرتك بتنوريني دايما وكلماتك الجميله الرقيقه
بجد بتشجعني وبتحسسني ان اللي بكتبه ليه لزمه
وربنا يتقبل دعائك الجميل
ويتقبل منك صالح الاعمال
السلام عليكم ,
ردحذفمش عارف ليه " بلمت " أول ما دخت المدونة ,
يمكن لأني نفسي أقول كلام زي كلامك ده , أو لأني بفكر فيه و مش عارف اكتبه !! ؟؟
لكن للأسف حاسس إنها مرحلة تفكير و تعدي , بكره الواحد يبقى زي الناس و ما يفكرش في الحاجات دي , و يعيش و يموت و خلاص !!!
يا أخى كلنا ذاك ... العبيط
ردحذفأه لو وعينا لحقيقة الدنيا
أه لو عرفنا إن الدنيا ملعونة
أه لو عرفنا إنها لا تساوى عند لله جناح بعوضة
كلنا كده بنتخانق على حاجة أقل من جناح بعوضة
ربنا يشفينا من العبط
اللهم اختم بالباقيات الصالحات اعمالنا وتوفنا مؤمنين موحدين
ءامين
جزاك الله خيراً على التذكرة دى
ابراهيم
ردحذفحلوه اوي نعيش ونموت خلاص
علي رايك بلاش نتعب دماغنا
نورتني يا عم ابراهيم
د ياسر عمر
ردحذفاولا الحته كلها منوره يا باشا
ربنا يكفينا كلنا شر العبط والجهل
وبجد لو مقدرناش نستفيد من العلم والاطلاع تبقي مصيبه
ابن رشد
ردحذفاولا احييك على البوست الأخراني
تسلم ايدك
شوف انا انطباعي عنك الآتي وممكن اكون مش صح بس هو ده انطباعي
انت الى حد ما مش سعيد ولكنك ما شاء الله من النوع العقلاني الراضي
اللي بيوازن حياته ولقى ان الكفة بما فيها من حلو ووحش احسن من كفة عدم الرضا والهروب
انت عايش علشان ولادك وبتراضي نفسك .. وان شاء الله الرضا لمن يرضى
بحس انك فعلا عقلاني جدا وماسك الأمور صح زي ما بتمنى انا نفسي اني اكون
ربنا يبارك لك في صحتك وفي كل ما اعطاك من رزق
انت انسان طيب واللة يجزك الخير
ردحذفرائع
ردحذف