محتاجين نتعلم
ببساطه كده
مفيش عزه من غير علم
مفيش نور من غير علم
مفيش كرامه من غير علم
مفيش حد ادني من الحياه من غير علم
حتي لو فيه فقر مدقع
العلم بيخلينا ازاي نعرف نتاقلم ونعيش حياه كريمه
ايوه لما نتعلم ان الفقر ملوش علاقه بالقذاره
ساعتها ممكن نكون فقراء لكن بني ادمين متحضرين
حتي كيفيه اختلافنا في وجهات النظر
برضه محتاجه علم
ايوه محتاجين نتعلم ازاي نتكلم
محتاجين نتعلم ازاي نسمع اللي بيتكلم
محتاجين نتعلم ان نجاح واحد مننا هو نجاح لينا كلنا
محتاجين نتعلم ازاي ننزع الحقد والغيره من قلوبنا
محتاجين اوي اوي نتعلم معني كلمه حب
رب الاسره محتاج يتعلم ازاي يحب زوجته وابنه وبنته
حتي الام اه والله حتي الام محتاجه تتعلم ازاي تحب الابن والبنت
والاهم انها تتعلم امتي تظهر حبها وامتي تخبيه
العلم ثم العلم ثم العلم
يكفينا دليلا وبرهانا ان اول ما انزل علي
معلمنا ونبينا صلي الله عليه وسلم
هي اقرأ
الله عليك ياستاذ
ردحذفزمان قالوا للناس العلم نور
ومين يحب يعيش فى ظلام
يارب الهمنا القدرة والرغبة فى التعليم حتى الممات
تحياتى
مش الشاعر الكبير قالك
ردحذفبالعلم والمال يبن الناس ملكهم .. لم يبن ملك على جهل وإقلال
لكن أنا شايف إنه ادى المال أكثر من حقه لما قرنه بالعلم لأن العلم يجيب مال لكن المال صعب يجيب علم
محدش يقدر ينكر دور العلم أبداً
والله كلام زينة
ردحذفالعلم
اننا نثق اننا لانعلم
اكتر كلمة عجبتني ان حتى الأم محتاجة تتعلم تربي عيالها
دي مشكلة مزمنة
كل واحدة لسبب غير معلوم فاكرة انها مولودة بعلم الأمومة
وغريزة الأمومة تختلف تماما عن علم الأمومة
كما ان زواجنا ندخله وكأننا علماء علم نفس
ونكتشف بداخله جهل بشع من الزوج والزوجة وغالبا ما يؤدي الى عواقب وخيمة
جميل العلم
كلما ارتقينا فيه علمنا اننا لا نعلم شيئا
بارك الله فيك
بوست في الجون
السلام عليكم ورحمة الله وبركاته
ردحذفأخي العزيز
كلامك جميل جدا وبالفعل نحتاج إلي اسقاطه علي أرض الواقع
اللهم اجعلنا ممن يستمعون القول فيتبعون أحسنه
خالص شكري ومودتي وصادق دعائي بالرقي
القدر
ردحذففعلا العلم نور لكن مش مجرد نور للعين
لا ده نور للنفس
رزققك الله نورا وهدي
د ياسر
ردحذفطبعا اكيد الشاعر ظلم العلم
لما قارنه بالمال
لان برايي اذا كان المال سببا
لاسباع حاجات الجسد فان العلم هو الغذاء الوحيد للروح
نورتني يا باشا
اختي الفاضله ستيته
ردحذفحكيمه كعادتك
فعلا كلما ارتقينا وتدرجنا في منازل العلم
كلما احسسنا بقبح وبشاعه الجهل
متعك الله بالحكمه وافاض عليكي من نعمه وهداه
هذه حياتي
ردحذفوعليكم السلام ورحمه الله وبركاته
اولا حضرتك نورتني وهذا المكان شرف
بمرورك الطيب
اما عن اسقاط الكلام علي الواقع فيحتاج لوعي
ومعرفه لاكبر عدد ممكن من امتنا باهميه العلم
هل وجدت مره كتاب باي مرحله دراسيه
يشرح للطلاب لماذا يتعلمون؟؟
اعتقد ان الف باء تعليم ان احاول ان
اقنع طالب العلم باهميه العلم له هو شخصيا
بارك الله فيك وهداك وايانا سواء السبيل
ابن رشد
ردحذفمش ربك الكريم قال
وقل ربى زدنى علما
السلام عليكم و رحمة الله و بركاتة
ردحذفاعجبني للغاية اسلوب حضرتك في انك لم تنتقد الاخرين و لكنك جعلت نفسك علي رأسهم و بدي هذا في العنوان , فنحن لن نتغير ان لم تعرف ان الاخرين هم ببساطة نحن
هو ممكن نقول ان الامر بقي صعب للغاية
فعلا احنا شعب مش متربي و الذوقيات فيه بتندثر و بتتواري يوم عن التاني
ناس بتقول انه هذا من سلوكيات الازمة التي نعيشها لتكدس الموارد والاهتمام في القاهرة و اهمال المحافظات فاصبح الجميع يهاجر للقاهرة و نشأت هذه الازمة
و لكن اعتقد ان الامر اكثر تركيبا و له عده عوامل
لن انكر الازمة و لكن نستطيع ان نقول انها قيم مفقودة في المجتمع
لان المجتمع ببساطة لم يجد من يريبه كي يربي هو ابناؤة
و التربية اساسا في الاسرة
, بعد الانفتاح اصبحت القيم المادية هي المسيطرة و معيار الحكم علي الناس فاصبح هم الابوين المادة و اهملوا الطفال نفسيا
ثم المدرسة التي لا تربي و تفسد اكثر مما تصلح
ثم الاعلام الذي يروح ثقافات فارغة تجد تربة في عقول الاغلبية العامة من الاطفال مع غياب دوري المنزل و المدرسة و من بعدها للاسف الشديد الجامعات التي اصبح همها تحصيل المال فقط دون تعليم حقيقي ( سواء جامعات خاصة او حكومية )
هذه المرحلة هي تربية الشخصية فتتكون الشخصية علي مجموعة قيم مشوهة و مستقاه من مجتمع يشكلة ثقافة التليفزيون و الافلام
الامر معقد فعلا بس المهم تبدأ بنفسنا و من حولنا قدر ما نستطيع و لا نكلف نفسنا الا وسعها ولا نقلد الخطأ بدافع ان الجميع يفعل هذا لانهم لن يغنون عنا شئ عند الحساب و السؤال
خالص التحية