الامساك بالزمن

ايام ورا ايام
فجاه الايام تتحول الي شهور وعندما تفيق علي تحولها السريع من ايام الي شهور
تجد ان الشهور ايضا تحولت الي سنوات وبلا اي مقدمات وبلا اي تنبيهات
وفي لحظه تجد ان العمر كله قد فات واللي فات فعلا مات
ولا تستطيع ابدا ان تحيي اياما ماتت وانتهي اجلها ولكنك تستطيع ان تنعش الايام
التي ستولد كل اربعه وعشرون ساعه والتي لا يعلم عددها الا الله سبحانه وتعالي
اليوم 26 ديسمبر 2009 لم يتبقي علي نهايه العام الميلادي الا خمسه ايام او اقل من ذلك
وها هي الشهور تتحول تحت سمعنا وابصارنا الي سنوات وها نحن مازلنا مستغرقين تماما
في توافه الامور والسعي ورا لقمه العيش واستهلاك الوقت في الزحام وايضا في قتل اوقات الفراغ
وها انا اليوم احاول ان امسك شهوري قبل ان تتحول الي سنوات فهل استطيع؟؟
طبعا لا واالف لا
فالايام بتتسرسب ورا بعضها بمنتهي السلاسه ونحن نستمتع بمنتهي الغفله والهبل والنسيان
لايامنا التي ماتت واليوم انظر لايامي التي انقضت وولت واحاول ان اجد ثمارها
فاجد للاسف ان معظم ثمارها دنيويا فقط وان معظمه فيما امرنا الله به من سعي واعمار للارض
الا انني اجده قد طغي تما ماعلي ما امرنا الله به ان نعمل لاخرتنا كما نعمل لدنيانا
فاردت بكتابه هذه الكلمات ان تكون امامي لاذكر نفسي بعد ايام او بعد شهور او بعد سنوات
انه كان بامكاني ان امسك قدر من الزمان ولكني عدت الي غفلتي واستعذبت سرسبه الايام

الانسان والاشجار(الفروع والاصول)

ما اشبه الانسان بالاشجار
شكا لي احد الاصدقاء من التباين الشديد بين اولاده في كل شيء
بالرغم من انهما اثنان فقط
الاول كل احواله في غايه السؤ والاعوجاج وبالرغم من المجهودات
التي يبذلها الاب محاولا بها حث الابن علي الاستقامه الا انه غالبا
يصطدم بان جهوده ومحاولاته كلها لا تلقي اي استجابه
اما الابن الثاني
فبسم الله ما شاء يشق طريقه الي سماء المجد والنجاح بلا اي توجيه
بل انه كثيرا ما يكون سندا وعونا للاب علي متاعب الحياه
واثناء سيري باحد الشوارع شاهدت شجره جميله فروعها كبيره
تكاد تسابق بعضها للوصول الي السماء
ولكني فوجئت ببعض الفروع المائله التي تنمو افقيا تكاد تتلامس مع المنازل المجاوره
وتنشر ظلها بمساحه كبيره اسفلها
ونظرت لجزع الشجره وسالت نفسي الم تتافف تلك الشجره من تلك الفروع
ولماذا لا تحاول بتر الفروع المائله بنفسها حتي يذهب كل الغذاء والدعم للفروع
المستقيمه والمهتم بالنباتات يعرف هذه العمليه جيدا وتسمي ؟(التقليم)
وبين صديقي الانسان وصديقتي الشجره
تيقنت ان هناك من يبدع في خلقه ويعلم مالا نعلم وان الرضا في كل الاحوال
هو عين العباده فلو تمكنت الشجره من بتر الفروع المائله ما تمتعنا ابدا بظلالها
وبالرغم اننا لا نعلم السر في ان يرزق عبدا صالح بولد طالح
الا انني تيقنت الان ان الرضا مقترنا بالعمل الدؤوب لاصلاح الاعوجاج
هو اسمي فضيله ممكن ان يتصف بها انسان
اللهم هيء لنا من امرنا رشدا

استكمال النشاط المفاجيء

نظره للظروف الطارئه التي المت بامكانيه الرد علي التعليقات وعدم تمكني من الرد
لذلك وجدت انه من الواجب ان ارد علي التعليقات اولا وخاصه ان التعليقات بها
ما يستلزم معه الرد
ابدا باستاذتنا الفاضله د ستيته
كلام حضرتك عن السوابق المشينه لسوء معامله المصريين في البلاد
العربيه هو برايي لب الموضوع يعني بالبلدي كده مجتش علي الجزائر
بس برايي ان المشكله اعمق من كده بكتير عارفه حضرتك المثل القديم
من خرج من داره اتقل مقداره وطبعا احنا اكتر شعب بيخرج من داره
مش لقله خير بلادنا انما للاسف لشيء غريب انا شخصيا لا اجد
له تفسيرا وساعبر عنه في صيغه سؤال
هو ليه معظم المسيطرين علي اقتصاديات البلد دي شرفاء اوي كده؟؟؟؟؟؟؟؟؟؟

الاخت الفاضله reem

بنتكلم هنا وبس والكلام قد يكون ملهوش اي لازمه
بس برضه ولو بنسبه واحد في المائه ممكن يكون ليه لازمه حتي ولو بعد
خروجنا من الدنيا علي خير
وكمان اللي حضرتك قلتيه ده من الاسباب الاساسيه
لزهدي في الكتابه بالرغم من حبي لها

الاخت الفاضله سلوي
اولا اشكرك لانك كنتي السبب اني اعرف يعني ايه
عرائس ماريونت
لكن انا مش شايف ان الموضوع فيه معضله
بمعني انا شايفك مستغربه اوضاع العرب عموما
وخلينا نقول معظمهم وبلاش كلهم يشبهوا كثيرا العرائس المتحركه
من قديم الازل اتعودنا نكون مفعول به ولم نكن ابدا فاعلين ومؤثرين فيمن حولنا
اما عن السادات فلو راجعنا التاريخ كويس سنجده اول مصري يحقق نصر وعزه حقيقيه
لمصر في العصر الحديث مع اعترافي بوقوعه في اخطاء مثله مثل كل البشر
وللحديث ايضا بقيه باذن الله

خواطر وافكار

ابدا بدون اي مقدمات بالحديث عن الحرب التي استعرت ولم تطفا حتي الان بين مصر والجزائر بسبب لعب العيال
وساكررها مره اخري لعب عيال والسبب في نبش الرماد ليس اشعال النار مره اخري وانما هي محاوله لاثبات بعض
الاراء الخاصه بهذا المكان
انتشرت القنوات التلفزيونيه الخاصه بمصر واستتبع ذلك انتشار برامج ما يسمي بالتوك شو
ومما لاشك فيه ان هذه البرامج لابد لها من وقود حتي تستمر وتبقي علي قيد الحياه
وما لاحظته مؤخرا ان هذه البرامج عندما لاتجد احداثا تصنع لنفسها احداثا تعيش
عليها وما اصابني بالذهول انهم احيانا يتاجرون بالام واحلام البسطاء والفقراء
وما حدث عقب مباراه الجزائر هو مظهر واضح وصريح لسيطره الاعلام علي عقول
ومشاعر المصريين واتقان العزف علي اوتار البسطاء الذين ينتظرون اي ملحمه ولو
مزيفه للالتفاف حولها
ولي سؤال لمن يشكك في ذلك
لماذا لم تتحرك اجهزه الاعلام وبالتالي اجهزه الدوله عقب تحطيم مقر شركه مصر للطيران
بالجزائر والتعدي المهين علي العاملين المصرين بالجزائر
ولماذا قامت الدنيا عقب مباراه الخرطوم والتعدي علي عدد من المشجعين المصريين؟؟
علشان اللي كانوا بالخرطوم سوبر ستارز واللي كانو بالجزائر ولاد البطه السوده؟؟
والاهم من ده ليه اتوبيسات مصر المحطمه بالخرطوم لم تظهر باي محطه عالميه
في حين حدث العكس في تحطم اتوبيس الجزائريين بالقاهره
والحدث الاكبر والاخطر الذي تناقلته كل وسائل الاعلام العالميه
هو تجمهر المصريين امام السفاره الجزائريه واشتباكهم مع الامن المصري
والنتيجه هي مزيد من النيل من سمعه مصر وتصوير اهلها انهم لا يعرفون
المعني الحقيقي للرياضه
وكل البسطاء اتعشموا ان الفيفا سيلغي المباراه وغطيني وشد اللحاف
طب محدش غلط محدش قصر؟؟بالمناسبه فين المسئولين عن صفر المونديال؟؟
وبالنسبه للقوميه العربيه فانا شخصيا اجد عبقريه السادات كانت واضحه
تماما في التعامل مع العرب عموما
وبمشيئه الله للحديث بقيه

هذا المقال من كتاب الدكتور مصطفي محمود

اناشيد الاثم والبراءه ونقلته هنا لاعتقادي انه من اجمل ما قرات

لا يوجد وهم يبدو كأنه حقيقة مثل الحب..
و لا حقيقة نتعامل معها و كأنها الوهم مثل الموت!! فليس هناك أمر مؤكد أكثر من الموت، و مع ذلك لا نفكر أبدا بأننا سنموت، و اذا حدث و فكرنا لا يتجاوز تفكيرنا وهما عابرا عبور النسيم
و العكس في حالة الحب، فرغم أن الحب دائما أمر يزينه الخيال و يضخمه الوهم و يجسمه التصور و تنفخ فيه الشهوات، و رغم أن الحب يشتعل و ينطفئ و يسخن و يبرد و رغم أن أحواله و تقلباته تشهد بأنه وهم كبير، الا أننا نتعامل معه بالرهبة و التقديس و الاحترام و الخضوع.. و نظل على هذا الخلط و الاختلاط حتى نفيق على الصدمة فنصحو و نستعيد رشدنا لأيام أو شهور أو سنوات و لكن لا نلبث أن نستسلم الى اغماء جديد.

و سبب الخلط و الاختلاط هو دائما خطأ في النسبة.. فنحن دائما ننسب الجمال الذي شاهدناه و الحنان الذي تذوقناه الى صاحبته مع أنها ليست صاحبته و لا مالكته.. و لو امتلكت امرأة جمالها لدام لها.. و لكن الجمال لم يدم لأحد، لأنه منحة و إعارة من الله بأجل و ميقات و هو قرض يسترده في حينه.. فصاحبه و مالكه هو الله و ليس أي امرأة.

و كذلك كل ما نعشق من حنان و مودة و رأفة و حلم و كرم كلها خلع و منح و أوصاف مستعارة من الودود الرؤوف الحليم الكريم.. و هو مالكها بالأصالة.. و نحن نملكها عنه بالقرض و الاعارة.
و لكن العين التي تعشق الجمال تخطئ نسبته و ملكيته فتظنه لصاحبته فتعشق صاحبته و تعبد صاحبته.

و هي تظل في هذا الوهم حتى تفيق على القبح يطل من تحت المساحيق و القسوة تظهر من وراء الأهداب فتصحو على الصدمة و تعاني و تتعذب و تندم و تعتبر و تتوب ثم تعود فتنسى و تنزلق إلى وهم جديد..

و تلك هي الغفلة المستمرة التي نعيش فيها جميعا.. نفيق منها لحظات لنعود فنغرق في سباتها من جديد و لا يسلم من هذا البلاء إلا نبي معصوم أو ولي عارف يحفظه ربه و يسدل عليه كنفه.. فلا يرى حيثما تولى الا وجه الله.

(فأينما تولوا فثم وجه الله)

فهو الجمال في كل جميل و هو الرأفة و الحنان و الكرم و الحلم و المودة.. فتلك أسماؤه تتجلى في أواني الطين و الخزف الشفافة التي شفها الإحساس حتى أصبحت مثل الكريستال المضيء تماما كما يرى الفلكي نور القمر فيعرف أنه ليس نوره بل نور الشمس تجلى عن وجهه.

و هكذا لا يرى هذا العارف أينما تولى إلا وجه الله.. و هو دائم الهمس الله.. الله.. الله.. الله.. الله.. و هو ناظر دائما الى الظاهر و ليس الى المظاهر.. ناظر الى الله الظاهر دائما في كل شيء.. لا يطرف.. متعلق بالمعاني و ليس بالأواني.
و هو لهذا لا ينقسم و لا يتشتت و لا يضيع في التلفت، و إنما هو مجذوب الفؤاد إلى الله على الدوام.

و لكن أمثال هذا الرجل قليل نادر مثل الألماس و اليورانيوم و أمثاله لا يتجاوزون
أفرادا و آحادا بين ألوف الملايين من الحشد المغمى عليه
و هي غفلة عامة غالبة لا ينجي فيها علم و لا ثقافة و لا دكتوراه و لا ماجستير، فتلك أبواب غرور تزيد من الغفلة.. فنرى العالم يضع علمه في خدمة هواه، و عقله في خدمة عاطفته، و مواهبه في خدمة شهواته. فتصبح بلواه مضاعفة و صدمته قاصمة للظهر.

و يمضي العمر في سلسلة من الغفلات و الإغماءات مجموعها في الختام صفر، أو هي في الحقيقة حاصل طرح و ليست حاصل جمع. فمجموعها في النهاية بالسالب و ليس بالموجب فحياة صاحبها إلى نقصان يوما بعد يوم و سنة بعد سنة.. يخرج من وهم إلى وهم و من خدعة الى خدعة.. حاله مثل حال الشارب من ماء مالح، كلما ازداد شربا ازداد عطشا.. لا يحصل على سكينة و لا يبلغ اطمئنانا، و إنما هو هابط دوما من قلق الى قلق، و من تمزق إلى تمزق، و من تشتت إلى تشتت، حتى تنتهي حياته بلا ثمرة، و ينتهي تحصيله بلا جدوى.

و تلك هي العقلية الاستمتاعية السائدة اليوم في عالم وثني، أصنامه اللذة و الغلبة و الهوى.. معبود كل واحد نفسه و كتابه رأيه و دستوره مصلحته.

و الحال في الأمم المتخلفة و النامية أسوأ مما هو في الأمم المتقدمة.. و هي أمم مجموعها أحيانا ((حاصل طرح أفرادها)) و ليس حاصل جمعهم، لأنهم منفرطون منقسمون متباعدون كالجزر التائهة في البحر.. يضرب بعضهم بعضا.. و عزمهم مستهلك.. و قوتهم لا شيء..
يتحدثون عن الوحدة.
و لا وحدة الا بالواحد.
هو وحده الواحد لا إله إلا هو. الذي يخرج به كل واحد من شتات نفسه و تخرج به الأمم من تفرقها و يخرج به العالم من انقسامه.

و القضية بالدرجة الأولى قضية إيمان.
هي قضية رؤية..
كيف نرى العالم..؟
و كيف ننظر فيما حولنا..؟
و كيف نحب..؟
هل نستطيع أن نكون ذلك العارف الذي لا يرى في كل شيء إلا الواحد.. و لا يبصر إلا وجه ربه في كل محبوب.
هل يمكن أن نكون مصداق الآية:
(أينما تولوا فثم وجه الله).
و في هذا الإطار نحب و في هذا الإطار نكره.. فنبذل المروءة و المعروف و المودة للجميع و لا يكون لنا تعلق و لا يكون لنا حب إلا الله و بالله و في الله.

ذلك هو الجهاد الصعب.
و لا اختيار..
و لا طريق آخر.
و كل واحد و عزمه.
و كل واحد و همته..
و عبرة كل حياة بختامها.. فلنسارع إلى المجاهدة و لنشمر السواعد حتى لا يكون محصول حياتنا صفرا و حتى لا يمضي بنا كل يوم إلى نقصان و حتى لا يصبح كل يوم من أيامنا مطروحا من الذي قبله.
إنما خلق الله الغواية لامتحان القلوب و ليعرف الكبار أنفسهم و ليعرف الصغار أنفسهم من البداية..

منقول من كتاب اناشيد الاثم والبراءه لاستاذنا الفاضل

الدكتور مصطفي محمود

يفني الانسان وتبقي الكلمات

هذه هي الحقيقه المؤكده الكلمات تبقي ويفني الانسان

اذا وجب علينا ان نحترم كل كلمه نتفوه بها او نخطها 

وقد تهدي الكلمه انسان وقد تضل كلمه اكثر من انسان

هذا هو السبب في العوده لهذا المكان الذي اعتبره من 

اكثر الاماكن التي اسعد بوجودي فيها

تفكرت كثيرا في احوالي كانسان وكلما جاء الي خبر وفاه 

احد من اقاربي او اصدقائي  وخاصه ممن يتوفاهم الله فجاه

وبدون اي امراض سابقه او حوادث طرق

اتاكد واتيقن في كل مره ان يومي قادم لا محاله فالموت فعلا حق

ومن يظن انه بعيد عن الموت فهو واهم وغافل ومغيب

ومن يسمح لنفسه ان يكون كالطور المعلق في ساقيه الحياه

ويترك نفسه لاوهام الحياه ولهوها وغرورها فلن يخسر الا نفسه

وقيمته التي يجب ان يبحث عنها بكل السبل

نعم لكل انسان منا قيمه لانه سبحانه وتعالي لم ياتي بنا الي هذه الحياه

عبثا او لنكون كالهوام لا هدف لنا ولا قيمه لنا

 

لذلك وجب علينا بعد الاجتهاد في طاعه الله ان نبحث عن قيمتنا 

وان نجعل كل يوم جديد لنا في الحياه سببا في رفع قيمتنا عند خالقنا وعند انفسنا وعند كل من حولنا

لن انسي ابدا كل هذا الحب الممزوج بالاسي لوفاه احد اصدقائي 

حتي انني دعوت الله ان اترك فيمن حولي هذا التاثير الجميل

اعتقد ان حب البشر هو من حب الخالق 

ولم اجد ابدا انسان اجتمع علي حبه الناس ولم يحببه الله

اللهم ارزقنا حب الله واذدنا بكل يوما لناه في هذه الحياه

قربا وطاعه ولا تجعلنا ممن استغرقتهم احداث الحياه

بحلوها ومرها ولا تجعلنا ابدا من الغافلين

هذه الكلمات كتبتها لنفسي حتي اذا نسيت نفسي حقيقه فنائها

تذكرني هذه الكلمات

انواع القلوب وانواع النفوس

مش عارف   اذا كنت اقصد القلوب ولا النفوس؟

عموما اهو انا اكتب وانتم  تقولوا رايكم   نفوس ولا قلوب؟

اعتقد كلنا قابلنا ناس كتير اوي وعرفنا ناس اكتر واتعاملنا

مع معظمهم  

واكيد اتعلمنا من خلال تعاملاتنا مع الناس دي كلها 

ان زي صوابعك ماهي مختلفه الاطوال والاحجام  برضه 

الناس مختلفه الاطوال والاحجام وكمان الطباع

ايه الجديد  يعني؟ جبت التايهه؟

صحيح معظمنا عارف كده  

لكن انا بصراحه ومن الاخر عايز اتكلم عن نوع واحد 

من القلوب دي 

والنوع ده من الناس  قليل اوي وكل فين وفين لما بنقابل 

حد من الصتف ده   لكن لسه برضه موجود

ايه بقي  مميزات النوع اللي نفسي الناس كلها تكون زيه

اولا قلبه كبير اوي اوي  وبيحب الناس كلها اوي  وبيتمني الخير لكل الناس

وبتلاقي في وجه قبول  ونور ورضا من خالقه  يخليك اول ما تطل في وجهه تحبه

ممكن يطلع اخر جنيه في جيبه ويعطيه لحد محتاجه وكمان ينسي انه  عمل كده

ايوه بيعمل الخير وينساه  ومش كده وبس  كمان ممكن يعمل الخير في واحد حتي ما يستهلش الخير

بس هو بيعمله لوجه الله مش لوجه الانسان  مع انه برضه بيحب كل انسان 

بيفرح اوي لما يشوف الفرح في عنين الناس وبيزعل اوي ويتالم لما يشوف معاناه الناس

نفسه الناس كلها تحب بعضها و  يتنزع الحقد والطمع من قلوب الناس 

وبعدين ليه الطمع والحقد وكلنا عارفين ان ما فيش اي شيء دايم  لاننا اصلا 

ضيوف لاوقات قصيره جدا ونتصرف وكاننا مخلدون 

بيزعل اوي اوي لما بيشوف اخواته  بينهشوا في اعراض بعض من غير سبب 

بيزعل اوي لما بيشوف  النفاق والرياء وصل لبوس الجزم 

وبرضه من غير سبب  زي ما يكون النفاق بقي موضه ولا فضيله جديده  وهو اللي مش فاهم

بيزعل اوي لما بيشوف حد من اخواته بيبيع الغالي بالرخيص 

ايوه بيبيع شرفه وضميره بشويه فكه ممكن اوي ما يلحقش يصرفهم

بيفرح اوي اوي لما يسمع  كلام حلو يفهم الناس البسطاء حقيقه حياتهم

يارب ارزقنا  قلوب ونفوس حلوه كده وقوينا دايما علي طمعنا وجهلنا 

يا رب يا رب 

غذاء الروح

غذاء الجسد معروف  ومفيش حد ممكن يختلف عليه 

لكن ايه يا تري  غذاء الروح؟؟

انا مش بتفلسف ولا بخرف  ولا انا فاضي وبضيع في وقت

كل الحكايه اني  واسمحولي اني اتكلم عن نفسي مش حد تاني 

بعد فتره طويله من الركود  والملل النفسي  حاجه كده زي ما اكون غرقان في مستنقع 

لقيت نفسي متاثره بحاجه صغيره اوي  وفجاه لقيت نفسي انتفضت وصحيت 

وامتلات بالحيويه والنشاط  ومصممه تخرج من المستنقع 

طيب ازاي وليه وايه  يعني اللي حصل ؟

ولا حاجه                كل الحكايه ان نفسي تذوقت بعض من غذائها وبالرغم من انها لم تشبع جوعها ولم تروي عطشها

الا انها  تاكدت انها لم تمت بعد  ومازالت تستمتع بالحياه  

نعم  لا حياه للروح بدون غذاء

 وما يقفز الان في  وجدانكم ان الروح لا تحتاج للغذاء  وان الجسد هو وحده من يحتاج للغذاء

هذا اعتقاد خاطيء  واتمني ان استطيع اقناعكم جميعا انه  لابد للروح من الغذاء

واساس غذاء الروح  هو المدد  الالهي من الله سبحانه وتعالي الي  اعظم  اسراره وهي الروح 

وانا اعلم ان معظم قراء هذه السطور قد لاحظوا  التغيرات التي تطرا علي ارواحهم  

حيث تجدها سعيده ومطمئنه بالقرب من خالقها     في حين تجدها تعيسه وشقيه عندما تبعد وتعصي

ما سبق هذا هو اساس الغذاء 

ولكن هل كل الارواح او الانفس متشابهه؟

اسمحوا لي ان اترك لكم  الاجابه ولنستمع لكل منا  عن رايه انواع   النفس 

وذلك من خلال تجاربنا في الحياه

الاسلام عبادات ام معاملات؟؟

اكيد انا اخر انسان ممكن اتكلم عن الاسلام لسبب بسيط جدا هو انني لست ممن يتعمقون في قراءه كتب الفقه او السيره

ومتاكد انني لا اعلم عن عظمه الاسلام الا القليلل

ولكن هذا القليل اوجد في نفسي اعتقادا لن يزول  بان الاسلام فعلا مظلوم 

بمن ينتمون اليه 

انا اتمني ان اختصر وساحاول

الاسلام حسب معلوماتي القليله دين معاملات وعبادات ولا يمكن ان ناخذ بشق  ونهمل الاخر

الذي يؤرقني ان ياتي الرجل منا بالعبادات وينسي ويهمل تماما المعاملات ويقول بمنتهي الوقاحه 

ان شاء الله ربنا يسامحني دي كدبه صغيره او يكون واخد حاجه مش حقه وتجده بالتعاون مع شيطانه 

قد حللها لنفسه  واستمتع بذلك

اكتر حاجه منتشره هي ان يكسب الرجل ماله من حرام ثم تجده وبكل وقاحه يتصدق بجزء منها 

طب ازاي؟؟ انا لو اعرف والله كنت قولت

ناتي للرشوه  والفساد 

عندما تدخل اي مصلحه حكوميه وقت الظهر تجد معظم الموظفين بصلاه الظهر 

معقوله حتي منشار افندي كمان بيصلي 

ده لسه خابط مني مبلغ وقدره علشان يخلصلي شغلي 

بلاش الرشوه  وبلاش الفساد  لو عندك اي مصلحه مهمه عاوز تخلصها في اي جهه حكوميه 

ومتعرفش حد فيها   ابقي قابلني لو خلصت 

في حين لو بس ليك معرفه  حتي بالساعي   مجرد بس تشرب الشاي تلاقي كل حاجه تمام ومن غير رشوه 

شيء بجد عجيب طيب احنا بس هانخسر ايه لو اتعاملنا مع الناس كلهم علي انهم اخواتنا وقرايبنا وجيراننا 

ابوس ايديكم كل واحد بس وهو بيتعامل مع اخوه الانسان يحاول بس يحط نفسه مكان اللي بيعامله

كفايه كده 

ربنا يهدينا جميعا  ويقينا شرور انفسنا

هل انا عبيط؟؟

انا الانسان امري عجيب  

هل انا عبيط ام ادعي العبط وقله العقل وادعي ايضا انني من الجاهلين

ولكني متيقن انني لست جاهل ولا عبيط ومتيقن انني امرض احيانا 

ومجرد نزله برد بسيطه تجعلني اعرف انني ضعيف جدا ووقتها لا ينفعني 

مالي ولا جاهي ولا سلطاني 

وفي ذروه الحمي والمرض اجدني اجزع اليه راجيا ان يشفيني ويعافيني

واعاهده انني لن اغفل ابدا عن ذكره وشكره دوما علي نعمه الصحه

ولكن بمجرد ان اشعر ببعض من العافيه اجدني مره اخري 

ادعيت الجهل والعبط والقيت بعقلي وعلمي في مستنقع الحياه الذي

لا بعطينا الفرصه للحظه ان نتذكر 

بل يعطينا الحجه ان نظل جاهلين غافلين بارادتنا ونتمتم  قائلين 

هي دي الحياه لازم نتعب ونكافح علشان الاجيال اللي جايه

الو          ايوه      مين  

البقيه في حياتك           مين    يا راجل   مش ممكن  

دا  كان سهران معانا امبارح وكان مزاجه عنب

 بلاش هزار يا عم  ده عمره ما تعب ولا راح لدكتور

كمان  يعني الحكايه كلها ممكن تخلص كده في ثانيه وبدون اي مقدمات 

طيب وبعدين 

يعني الشقه الكبيره اللي بالشيء الفلاني دي ملهاش لازمه ودي مجرد استراحه قصيره بين

الشوطين  يا حلاوه  

طيب نشوف فين بقي المستقر الاخير ونروح نهيئه بس ده مش بيتفرش 

طيب والعربيه اللي عمال اتفشخر بيها دي كمان ملهاش لازمه  

طيب يعني انا عبيط بجد ومش بيتهيالي 

ايوه طبعا عبيط لما كنت بازعل واحرق في دمي علشان الفلوس 

لما اتهبلت واتخانقت مع اخواتي علشان الميراث

متهيالي كده انا اتاكدت اني عبيط 

الاحداث والمواقف كلها اللي مرت في حياتي تؤكد ذلك

لما سمحت لنفسي انافق واداهن علشان المصلحه تمشي كنت عبيط

لما ضغط علي نفسي وقلت علشان ما نعلا ونعلا ونعلا 

 لازم نطاطي نطاطي

طيب تفتكر انك هاتبطل العبط ده ولا خلاص انت ادمنت العبط والاستهبال؟؟

بصراحه مش عارف  

بس انا متاكد برضه اني بكون سعيد ومبسوط اوي وانا مش عبيط 

لاني وقتها بكون بشكره كتير واذكره كتير واعرف قدري ومقامي و

مدي ضعفي وقله حيلتي وحاجتي الدائمه لفضله وهداه واعانته لي علي حسن

عبادته وطاعته 

اللهم اختم بالباقيات الصالحات اعمالنا وتوفنا مؤمنين موحدين

بدون عنوان

مش عايز بكره يفوت وانا لسه بموت والليل عمال يجرح

والوحده تزيد النار وتزيدني مرار والحزن يبات يصبح

وما بين كده او كده مش مرتاح انا

خليني باه كده يمكن الهنا  مداري في صبري عليك

طبعا دي اغنيه منير الجميله

لكن مش عارف ليه مسيطر عليه احساس

شايف ان الكلمات دي 

معبره عنه اوي بشكل يفوق

اي وصف ممكن اكتبه

نفسي اتعلم

                                                                            محتاجين نتعلم

ببساطه كده

مفيش عزه من غير علم

مفيش نور من غير علم

مفيش كرامه من غير علم

مفيش حد ادني من الحياه  من غير علم

حتي لو فيه فقر مدقع

 العلم بيخلينا ازاي نعرف نتاقلم ونعيش حياه كريمه

ايوه لما نتعلم ان الفقر ملوش علاقه بالقذاره

ساعتها ممكن نكون فقراء لكن بني ادمين متحضرين

حتي كيفيه اختلافنا في وجهات النظر 

برضه محتاجه علم

ايوه محتاجين نتعلم ازاي نتكلم

محتاجين نتعلم ازاي نسمع اللي بيتكلم 

محتاجين نتعلم ان نجاح واحد مننا هو نجاح لينا كلنا

محتاجين نتعلم ازاي ننزع الحقد والغيره من قلوبنا

محتاجين اوي اوي نتعلم معني كلمه حب 

رب الاسره محتاج يتعلم ازاي يحب زوجته وابنه وبنته

حتي الام اه والله حتي الام محتاجه تتعلم ازاي تحب الابن والبنت

والاهم انها تتعلم امتي تظهر حبها وامتي تخبيه

العلم ثم العلم ثم العلم

يكفينا دليلا وبرهانا ان اول ما انزل علي 

معلمنا ونبينا صلي الله عليه وسلم

هي اقرأ

هل انت منافق

فجاه كده ومن غير ترتيب سالت نفسي هو ليه احنا كمصريين نمتلك كل هذه الموهبه 

في كل اشكال وفنون النفاق؟؟

وبرضه سالت نفسي هو ليه احنا بنخاف اوي كده علي لقمه العيش لدرجه الاذلال؟؟

بجد انا معنديش اجابه شافيه  

لكن انا متاكد اننا رواد النفاق بالعالم اجمع واننا تفوقنا ووصلنا لمكانه في فنون والاعيب 

النفاق   لا يمكن لاي شعب باي حال من الاحوال ان يقترب من منزلتنا العظيمه 

في فنون النفاق

واسمحوا لي ان نتسائل جميعا ونسال انفسنا هل نحن منافقون ؟؟

ولماذا ننافق ونحن نعلم اننا حتما ميتون ومفارقون لكل من في الدنيا؟؟

وهل هناك نفاق ابيض زي الكدب الابيض؟؟

ام انه افه وبعض من اعراف وتقاليد سيئه لابد من اجتثاثها تماما 

دمتم بكل العقل والحكمه

هل فعلا المسلمون مفتري عليهم؟؟

 لا يخلو اي حوار بين اي شخصين مهما اختلفت مستوياتهم في الثقافه والعلم من جمله ان الاسلام  دائما يتعرض للمؤامرات  والاساءه 

وكل من هب ودب عمال يسيء للاسلام وطبعا لازم شويه بهارات من السباب في المسلمون ايضا

طيب اعتقد ان هذا التقديم لا يمكن لاحد انكاره

جميل خالص ليه بقي عمري ما شفت اي اتنين من اللي دايما عندهم غيره وحب ويتمنون ان يموتوا في سبيل دينهم العظيم

عمري ما شفت حد منهم فكر يسال نفسه هو ليه احنا ملطشه للي يسوي واللي مايسواش؟؟؟

وليه كمان عمرنا ما طلع من وسطنا واحد بس عنده شويه شجاعه ويقول لينا  اد ايه احنا بقينا وحشين اوي وضعاف اوي

وبالتالي بقينا ملطشه وكما جاء بالحديث النبوي في ما معناه اصبحنا كالفريسه التي تتكاثر عليها الوحوش لالتهامها

وللاسف ونحن كثره ولكن كما ذكر نبينا العظيم كغثاء السيل وللي مش فاهم المعني حاجه كده زي الفقاقيع تتكون اعلي المياه

برضه وبعدين كل اللي فات ده مش جديد كلنا عارفين وعايشين والحياه بتمر وخلاص

واحنا مش هانغير الكون

ايه اللي انا عايز اوصله  واتمني انه يوصل لكل المسلمين ؟؟

ان نعترف اننا الان اسوأ مسلمين ظهروا علي الرض منذ قدوم الاسلام

ولو رجعتوا للتاريخ الاسلامي لن تجدوا هوان وضعف اصاب الاسلام مثل هذه الايام

هات من الاخر

حاضر يا معلم 

لو كلنا اقتنعنا وفهمنا كويس اننا بهذا السؤ اكيد هتكون دي اول خطوه علشان نعالج امراض كتيره وخبيثه 

تاصلت في المجتمع الاسلامي وحدث ولا حرج

من اول النفاق والمحسوبيه والغش والسرقه وتاويل الحرام والحلال عل اهوائنا ونهايه بعدم قدرتنا علي الاقتناع ممدي الهوان والضعف الذي تملكنا لدرجه اننا تعايشنا معه وكانه اصبح من المسلمات

وانا اذا اراد الله لي ان اكمل ساحاول في كل مره اكتب فيها ان اركز علي كل مرض من امراضنا المستعصيه علي حده

والله هو المستعان

 

اول مره اشعر ان الكتابه فعلا مسئوليه

بالرغم اني كتبت كتير اوي خواطر خاصه لكن عندما يتعلق الامر بطلاع اخرون علي ما اكتب

اعتقد انها فعلا مسئوليه ليست    هينه

عموما  احتمال تكون بس رهبه المواجهه مع الاخرين وعدم الثقه في ما اكتب

لكني اعتقد انني لابد ان اقنع نفسي انني اكتب لنفسي فقط حتي يمكنني الكتابه بحريه اكثر

والله سبحانه وتعالي هو المستعان دائما علي الخيرات

لماذا تاملات؟؟

كان لابد في بدايه الامر شرح السبب في اطلاق هذا الاسم علي تلك الخواطر والارهاصات

والسبب في ذلك يرجع لشغفي واهتمامي الشديد بالتامل باحوال الحياه والحياه بالنسبه لي هي الانسان

والانسان لن يخرج ابدا عن نوعين اما انسان حي يؤثر ويتاثر او انسان ميت يؤثر بما ترك لنا من طيبات او سيئات

ولكن لم يعد يتاثر 

خطوه تاخرت بعض الشيء ولكن كل شيء بقدر